-->
U3F1ZWV6ZTUwMjk4NTgyNzM4X0FjdGl2YXRpb241Njk4MTM1NDQwNDk=
random
أخبار ساخنة

استرجل .. اشرب بيريل

Birell


لفت نظرى جداً الإعلان الساذج لمشروب بيريل فى السوق المصري! و يثير اشمئزازى و غيرتى لما بشوف إعلان خايب او تافه ملوش اى لازمه او ملوش غرض.


استرجل و إشرب بيريل المشروب الخالي من الكحول! انت متأكد انه خالى من الكحول فعلاً ؟ تعالى نتأكد مع بعض.




من خلال هذا الموقع يمكنك مشاهدة ما اذا كانت بيريل تحتوي على نسبة كحول فعلياً ام لا. معندكش وقت تشوف الصفحة او مفهمتش منها حاجة؟


انا اساعدك, طبعاً الكل بيقول انى غلطان و ده كذب و افتراء على الشركة و اشاعات و و و الخ, لكن بالفعل بيريل تحتوى على كحول.


النسب المتعارف عليها فى الخارج ان نسبه الكحول تكون 30% فما فوق و الأقل من 30% قانوناً يمكنك كتابة خالية من الكحول على الحاويه لانها تحتوى على نسبة ضئيلة جداً من الكحول. الكارثة الكبرى هى ان مشروب بيريل الذى يتم طرحه فى الاسواق المصرية فيه نسبة كحول لاتتعدى الـ 1% و ده مذكور فى رابط الموقع.


شعبنا الطيب صاحب القلوب الحنينه و الجريّ وراء المنظرة الكذابة متعرفش تبقى راجل من غير بيريل ؟ تعرف ان الكحول من مُذهِبات العقل ؟ تعرف انك بتتعرض للإدمان ببطئ ؟ حكّم عقلك قبل قلبك, البدائل كثيرة لهذا المشروب.


استرجل و متشربش بيريل! اللهم بلغت.

تعديل المشاركة
author-img

محمد غراب

تعليقات
    11 تعليقًا
    إرسال تعليق
    • Egy Rock13 أبريل 2009 6:45 م

      حقيقي معاك حق

      إرسال تعليقحذف التعليق
      • طارق منصور13 أبريل 2009 7:03 م

        انا معاك انه (استرجل و متشربش بيريل)

        لكن اتمني ان موضوع يكون موثق أكتر (نسبه الكحول تكون 30% فما فوق و الأقل من 30% قانوناً) أعتقد ان قصدك 3% في 30$ لأن 30% نسبة كبيرة جداً, وبرده النقطة دي محتاجة توثيق

        والموقع الي انت حاطه ممكن تأخد ScreenShot للمكان الي مكتوب فيه ان النسبة 1% وده برده مش توثيق جامد.

        لو فعلاً قدرنا نعمل موضوع فيه معلومات أكيدة وموثقة ممكن نعمل حملة والأسم الي انت اخترته رائع.

        جزاك الله خير. ونسأل الله ان يعافينا من الفتن هذه الأيام.

        إرسال تعليقحذف التعليق
        • غراب13 أبريل 2009 8:06 م

          @ طارق منصور : انا اقصد فى الدول الأجنبية (فى الخارج) عادةً تكون نسبة الكحول 30% فما اكثر و اذا قلت النسبة عن 30% فبإمكانك كتابة خالى من الكحول على الحاوية! استناداً على ما قرأته فى عده منتديات. مكتوب فى الصفحة المدرجة فى هذه التدوينة هذه المعلومات :
          A Low Alcohol brewed by
          Al Ahram (Heineken)
          Giza, Egypt
          ركز جيداً على Low Alcohol !؟ على تخيلاتى وضحت لكم ؟ طالما مكتوب انه شراب قليل الكحول ( اى كانت الترجمة ) فبكل تأكيد انه يحتوى على نسبة لا تقل عن 1% و ربما أكثر و ربما ايضاً اقل اذا كان مُصرح بكتابة خالى من الكحول اذا كانت الحاويه بها اقل من 30% كحول !

          عموماً هذا الموقع وجدته بالصدفه البحته و هو يعتبر قاعدة بيانات عن انواع البيرة و الخمور و نسب الكحول حول العالم.

          و عموماً انا لا اشرب هذه النوعيات من المشروبات التى تُذكر عليها كلمة كحول اى كانت النسبة المكتوبة.

          إرسال تعليقحذف التعليق
          • حوده8 يوليو 2009 2:42 ص

            انا بقول استرجل واشرب بيريل يا نجم انا شربت بيريل لمده شهر ومادمنتوش ولا حاجه

            إرسال تعليقحذف التعليق
            • Ibrahim23 يوليو 2009 2:02 م

              اعتقد ان موضوع نسبة الكحول 30% او اقل يمكن كتابة (خالى من الكحول) غير صحيح
              بدليل
              ان المشوبات الكحولية فى مصر او بمعنى اصح مشروبات الشعير فى مصر اللى فيها كحول بتكون ما بين 3% الى 10 % مثل مشروب (ID) وغيره منها
              والعنتيل فى مصر مش بيشرب اكتر من النسبة 10%
              انا غير متعاطر للكحوليات بس عندى معلومات عنها
              وياريت يون اى كلام موثق من مصادر مضمونة ومواقع انترنت موثوقة عشان منعملش بلبلة للناس من غير ما يكون هناك دليل قاطع
              ونسأل الله العافية

              إرسال تعليقحذف التعليق
              • Mostafa Mourad14 أغسطس 2009 4:19 م

                أنا عملت حملة دعاية مضادة لى بيريل
                Download the whole set
                http://www.designrific.com/misc/estargel.zip

                إرسال تعليقحذف التعليق
                • [...] موقع غراب أن يشن هجومه علي الحملة بشكل منطقي ودافعه في ذلك هو [...]

                  إرسال تعليقحذف التعليق
                  • شمس اليل4 سبتمبر 2009 8:06 م

                    فعلا استرجل ومتشربش بيريل
                    اشكرك علي طرحك الرائع

                    إرسال تعليقحذف التعليق
                    • gentel_man8085 سبتمبر 2009 5:45 م

                      اعلان بيعتمد على الشتيمة هو بيقولك انت مش راجل خليك راجل وروح اشرب بيريل وهى ده الرجوله طيب ده ناس بتفكر؟ انا بعمل دعايه لمنتجى اروح شاتم الناس الا ما بتشربوش عشان يشربوه هى ده الطريقه الا انجبتها بكوره افكار ادارة الدعايه والأعلان لهذا المنتج المنحط بصراحه اعلان مستفز لمنتج طعمه يقرف

                      إرسال تعليقحذف التعليق
                      • Mohammed AbdelRahman photo
                        Mohammed AbdelRahman1 أغسطس 2010 4:38 ص

                        مفيش حاجة بتتكلم عن نسبة الكحول في بيريل في الموقع ده.. و بعدين كلامك ده صح لكن مع الدول اللي وضحتها بس لكن مصر لما تقول خالي من الكحول يبقى فعلا " خالي من الكحول " مش هزار

                        إرسال تعليقحذف التعليق
                        • غير معرف2 أبريل 2013 7:18 م

                          انا ابني عنده 10شهور وبيموت ف حاجه اسمها بريل عايزه اخليه يعمل اعلان بريل

                          إرسال تعليقحذف التعليق
                          الاسمبريد إلكترونيرسالة