فتح صندوق واستعراض كاميرا كانون Canon 250D أفضل كاميرا لليوتيوب والفلوجات للمبتدئين، استعراض محتويات العلبة وأهم وأبرز المميزات الموجودة في الكاميرا.
كاميرا Canon 250D
صندوق الكاميرا من الخارج
الكاميرا تعتبر تحديث لكاميرا Canon 200D ومشابهة لكاميرا Canon M50 لكنها DSLR. أبرز المعلومات وأهم مواصفات الكاميرا المكتوبة علي الصندوق من الخارج ( سنسور بدقة 24 ميجابكسل + Range أيزو للصور لغاية 25600 وللفيديو لغاية 12800 + أفضل اوتوفوكس Dual Pixel خصوصا في تصوير الفيديو + تصوير فيديو بجودة 4k + شاشة تاتش قابلة للحركة وبتلف + وسائل الاتصال بالكاميرا من خلال الواي فاي والبلوتوث).
محتويات الصندوق
- دليل بدء التشغيل + وثيقة ضمان المفترض تكون موجودة لكن مش عارف انا حطيتها فين الحقيقة.
- البطارية: بحجم 1040 مل امبير تقدر تصور 1000 صورة في الشحنة الواحدة لو بتستخدم الـ View Finder او 350 صورة في الشحنة الواحدة لو بتستخدم الـ Live View.
- كابل شاحن البطارية.
- شاحن البطارية.
- حزام الكاميرا.
- العدسة الكيت 18 - 55 العدسة اللي معايا IS STM وهي أفضل والبيلد كوالتي بتاعها أعلي وفيها مثبت للصور أو مانع للإهتزاز والفوكس بتاعها أسرع ومش بتعمل أي صوت لما بتيجي تاخد الفوكس وبالتالي هي أفضل من العدسة العادية اللي بتيجي مع الكاميرا وبيكون فرقها بسيط وانت بتشتري العدسة الكيت 18 - 55 ممتازة جداً ( الـ 18 مللي بتديك كادر واسع مناسب للفلوجز و الـ 55 مللي بتديك كادر أفضل لتصوير البورتريه.
- وأخيرا بادي الكاميرا EOS 250D أصغر وأخف كاميرا DSLR من شركة كانون.
الكاميرا فعليا من أخف الكاميرات اللي استخدمتها وزنها مش مكمل 450 جرام بالبطارية وكارت الميموري ومسكة الكاميرا في إيدك ممتازة جدا جدا، والوزن الخفيف والحجم الصغير ده بيديك مميزات كتير في حمل الكاميرا معاك والتصوير بيها في الخارج.
استعراض الكاميرا وأهم الأزرار
- الكاميرا من الوش مفيهاش إلا زر خلع العدسة وماونت العدسة معدن وباين المرايه اللي مغطية السينسور اللي بدقة 24 ميجابكسل.
- زي ما انتوا شايفين الماونت كدة تقدروا تركبوا عليه كل عدسات كانون الـ DSLR سواء عدسات EFS بالعلامة البيضا او عدسات EF بالعلامة الحمرا.
- الجنب الشمال فيه مكان توصيل المايك الخارجي والريموت.
- الجنب اليمين فيه مكان توصيل الـ Micro USB ومكان الـ Mini HD اللي تقدر من خلاله تعمل Streaming وبث مباشر من خلال الكاميرا.
- من فوق في مكان تركيب فلاش خارجي او مايك خارجي.
- وكمان مكان الفلاش المدمج الداخلي الخاص بالكاميرا.
- وبعدين في Dial أوضاع التصوير المختلفة.
- . زر A+ وضع اوتوماتيكي.
- زر M او التصوير المانيوال بيتيح تختار كل إعدادات التصوير بالكامل زي فتحة العدسة وسرعة الشتر وحساسية الضوء.
- زر AV يعني Aprture Value بيتيح تختار فتحة العدسة زي ما انت تحب والكاميرا بتظبط باقي الخيارات عشان تطلع صورة مناسبة.
- وضع TV يعني Time Value بيتيح تظبط زمن سرعة الشتر والكاميرا بتظبط باقي الاختيارات عشان تطلع صورة مناسبة.
- وضع P يعني Program بيتيح لنا ظبط المتغيرات الثلاثة اللي هي فتحة العدسة وسرعة الشتر وحساسية الضوء. وكل ما تغير شئ من الثلاثة بيتم ضبط الخياران الآخرين بما يتناسب لخروج صورة كويسة.
- وضع SCN يتيح لك التصوير باستخدام إعدادات محددة مسبقًا على حسب الهدف والمشهد.
- زر سويتش قفل وفتح الكاميرا واختيار مود الفيديو.
- زر تغيير الايزو وزر الـ Display.
- . زر Dial للتحكم في إعدادات التصوير المختلفة.
- زر الشاتر.
- ظهر الكاميرا موجود زرار Menu أو قائمة اعدادات الكاميرا وجنبه زر الـ Info.
- جنبه الـ Optical View Finder.
- تحتهم الشاشة التاتش القابلة للحركة واللي هي ميزة من أهم مميزات الكاميرا. وتقدر تحركها في كذا موضع عشان لو هتصور نفسك.
- ومن تحت في زر الـ Play لاستعراض الصور وملفات الفيديو المصورة علي الكاميرا وجنبهم زر الـ Delete لحذف اي صورة او فيديو.
- من أسفل الكاميرا هنلاقي باب تركيب البطارية وكارت الميموري.
- وجنبه المكان المسئول عن تركيب الكاميرا في الترايبود.
أهم اللي بيميز الفيديو ده وهيفيد صناع المحتوي علي الانترنت غير الشاشة المتحركة هو نظام الفوكس التلقائي AF بميزة Eye Detection اللي بيتبع وجه وعين الشخص مش بس في الصور، لأ وفي الفيديو كمان واللي بيضمن لك فوكس سريع وسلس لو بتستعرض شئ أو منتج أمام الكاميرا.
ولهنا انتهت الحلقة، لو حابين اعمل فيديوهات تانية لإستخدام الكاميرا والقوائم الداخلية يا ريت تقولولي في Comment ولو بتتفرج عليا لأول مرة يا ريت تعمل سبسكرايب للقناة ولو انت مشترك ماتنساش تعمل لايك وشير للفيديو عشان تفيد غيرك.