recent
أحدث الموضوعات

أسهل طريقة لإنقاذ الكمبيوتر من الفيروسات في حالة الكوارث

Windows Defender offline scan

إن جهازك يُصاب بفيروسات ده أمر عادي ووارد جداً، لكن اللي مش عادي هو إنك كل ما تحاول تحمل برنامج أنتي فيروس وتثبته ملف البرنامج نفسه يتصاب بالفيروس وتبقي قدام كارثة فعلية ومابتبقاش عارف تعمل ايه تحديداً. لذلك في الفيديو ده هنتعلم سوا ازاي نعمل فحص أو Scan لجهاز الكمبيوتر من الفيروسات بدون الاضطرار لتثبيت برامج.

بعد استغاثة صديق بسبب الفيروسات وعدم مقدرته علي التعامل معاها، قررت أعمل الفيديو البسيط ده، الشرح هيكون علي Windows 11 لكن لو بتستخدم Windows 10 تقريباً الخطوات هتكون متشابهة بشكل كبير.

كيفية فحص الكمبيوتر بدون برامج مكافحة فيروسات


زي ما احنا متعودين نلجأ لأيقونة البحث في الويندوز، هنبحث عن Windows Security، نفتح البرنامج.

Windows Security

من القائمة الجانبية نختار Virus & threat protection، تحت الـ Current Threats هنلاقي Scan options نضغط عليها.

Scan Options

هيظهر قدامنا اختيارات اننا نعمل Scan أو فحص لجهاز الكمبيوتر، هنختار اخر اختيار Microsoft Defender offline scan.

Microsoft Defender Offline Scan

طيب نفهم ليه Microsoft Defender Offline بيعمل Scan وبيحذف الفيروسات من قبل ما السيستم يشتغل، فالإجابة المنطقية إن الويندوز لما بيشتغل طبعا الفيروس بيشتغل معاه وبيكون مرتبط بـ Process مع الويندوز وبالتالي بيفضل شغال وفعال ومحدش قادر عليه.

قبل ما تضغط علي زر Scan now خليك عارف إن الجهاز هيعمل Restart عشان كدة لو بتعمل شغل علي الجهاز يا ريت تحفظ عملك الأول، بعد كدة اضغط علي الزر، وبعدين اضغط علي Scan، هتطلع لك النافذة دي اضغط علي Yes لاستخدام صلاحيات الأدمن

بعد ما الجهاز يفتح، هيبتدي Microsoft Defender Offline يعمل Scan للكمبيوتر ويفحص الملفات كلها ويعثر علي التهديدات سواء فيروسات أو Malware أو حتي Adware ويقوم بحذفها بشكل تلقائي، كل اللي مطلوب منك الإنتظار لحد ما عملية الفحص تنتهي، العملية بتستغرق وقت علي حسب حجم البيانات والملفات اللي عندك.

Offline Virus Scan

الاطلاع علي نتيجة الفحص

بعد ما عملية الفحص وحذف الفيروسات بتنتهي، جهاز الكمبيوتر بيعمل ريستارت ويفتح السيستم مرة تانية، سجل دخول للنظام، ومن خلال البحث هنكتب Windows Security، ومن القائمة الجانبية نختار Virus & threat protection، المرة دي هنضغط علي Protection history، في النافذة دي بتظهر نتيجة عملية الفحص وقائمة بالفيروسات اللي البرنامج قدر يتعامل معاها.

Protection history

author-img
محمد غراب - الحساب القديم

تعليقات

ليست هناك تعليقات
إرسال تعليق
    google-playkhamsatmostaqltradent